شەفەق نیوز/ ٤ کەس کوشیان و نزیکەی ٢٥ کەسیش زەخمدار بۊین، ئەوەیش وە رووداو سەختیگ لەناوبین ٣٠ ماشین، دۊیای ئەوە ک ترێلەیگ ری دەروازەی TEM ناوبەین دۆزجی و ئیستەنبوڵ تورکیا بڕی.
وەگورەی میدیایل راگەیانن تورکیا، زەخمدارەیلە وەرەو خەسەخانە بریان، و ریەگە وەرەو ئیستەنبوڵ بڕیا، و ئاگرکپکردن و پۆلیس و تیمەیل تەندروسی رۊی وەرەو شۊن رووداوەگە کردن.
خەسی وەفروارانەگە، ئمڕوو دووشەممە، هیشت ترێلەی گەپیگ لەبان ریەگە سڕ بووەێد، و ئەوە هیشت بوودە زنجیرەی لەیەکدان ناوبەین ٣٠ ماشین، و میدیایلە باس کردن ک زەخمدارەیل فرەیگ لە شۊنەگە هەس.