وەڕیەوبەر دەسەی گشتی وەڕیەوبردن کارەساتەیل و گەشەپیدان دارستان، ئەندازیار ئەوفا وەسوف ئەرا ئاژانس "سانا"ی فەرمی وت: تیمەیل وەرگری شارستانی توەنستن 90% لە ئاگرەگە کپەو بکەن، و هیمان مژ ئاگر لەناو ئەو ناوچەیل سەختە مەنیە.

تیمەیل ئاگرکوشانەوە ناچار بوین لە جویراجویر ناوچەی بڕەسنە دەسمیەتی، ناچار بوینیش پەنا وە هیلیکۆپتەرەیل سوپای سوریا بوەن، تا بڕەسێدە ئەو کەژە کویەیل سەختە کە ماشین وەپی نەڕەسێد.

وەسوف وتیش: وا تونەگە هیشت ئاگرەگە زەوی بڵاوە بوود، و ئیرنگە ئەو شوینەیل سەرچەوەیل ئاگرە سەردەو کریەێد تا دووارە گوڵپە نەکەێد.

چوینکە ئاگرەگە فرەس وەزوی بڵاوە بوود، ٥ ماشین ئاگرکپوکردن رەسینە شوێنەیل ئاگرەگە لە نەهر بارد و عەناب و شەتحە، وەگەرد ٣ ماشین لە وەڕیەوبەرایەتی کشتوکاڵی حەماه، و یەکیگ لە وەرگری شارستانی حەماه، و یەکیگیش لە حەراج لادقیە و تیمەیلیگ لە قرداحە و بوردە و قدموس.