شەفەق نیوز/ جۆبایدن، سەرۆک‌کۆمار ئامریکا دە دەمتەقەیێگ وەرد گشت وت: ئیمە بایەد لە شەڕ بیس ساڵەمان دە ئەڤغانستان پەن و عبرەت بگریمن ئوو لە جی لەشکەرکیشان، ئەڕا حفز مەنافع میللی ئامریکا، جوورەێلێ تر نواگیری بکەیمن چوون هماڵەێلمان دوفێشتر چین و رووسیە، لە خودایانە ک ئیمە دە قوڕ و خەڕگ شەڕێ تر چەلگیر خوەمان بکەیمن ئوو خاسترە لە یەو لا هە چاوداری لە مەنافع ئامریکا، دە نام ئامریکا و دەور و گرد خوەمان و وە خەرج و بەرج کەمترێ بکەیمن.
ئەوی وت: ئەر نەدزانن بزانن ک ئامریکا رووژێ، سێسەد میلیوون دوڵار دە بیس ساڵ ئەڕا ئامریکاییەێلە خەرج کردن و بان دو هزار سەرباز ئامریکایی کوشریاگە ئوو ئێسەیش رووژێ هێژدە کۆنەسەرباز ئامریکایی خوەیان دکوشن ک دریژە داین وەێ چشتە ئەڕا ئامریکا خاس نییە و دڵخواز هیچ ئامریکاییێ نییە.
خاسە بزانن ک یە یەکم‌جارە ک یەکێ لە سەرۆک‌کومارەێل ئامریکا وەێجوورە وەچەواشەێ قانوون ئەساسی ئامریکا، دخوازێ لە شەڕ دە دەرەوەێ ئامریکا و ئەرتش‌داری ئەڕا حفز مەنافع میللی ئامریکا، دووری بکرێ.