شەفەق نیوز/ رووژنامەی دەیلی مەیل بەریتانی مەزەنە کرد لە بەریتانیا کارەبا ئەرا خیزانەیل بەریتانی ئەرا زیاتر لە سێ هەزار جنيه ئیستەرلینی لە سەرەتای ساڵ ئایندە بەرزەو بوود، ک هەڕەشەی نەداری ئەرا مەلیۆنا کەس دەێد. 

وەگورەی رووژنامەی دەیلی مەیل لە زوان مەزەنەیل کۆمپانیای راوێژکاری "کورۆناڵ ئینساید": کەمترین نرخ ئەرا گاز و کارەبا ک دەسەی وزەی بەریتانی  "Ofgem" ئەرا هاووڵاتییەیل دیاریی کرد، ئەوەسە لە "شمارەی پەیمانەیی" ئیسە ١٩٧١ بەرزترەو بوود، ک رەسێدە ٣٢٤٥ جنیە ئیستەرلینی، ئیجا ئەرا ٣٣٦٤ جنیە ئیستەرلینی لە سەرەتای ساڵ ئایندە.   

پسپۆڕەیل ئویشن ک ئیجور گرانییگ هاتێ مەلیۆنا مەردم بخەێدە ژیر چنگ نەداری، ئەوەیش هیلێد خیزانەیل بەریتانی لە وەرز زمسان دەسمیەتی دەوڵەتەیل بخوازێد.