شەفەق نیوز/ رووژنامەی نیویۆرک تایمز ئەمریکی وت: ئەو وەسێدارەدان ئاشکرا ک رژیم ئیران لەبان نازڕەزایل جیوەجی کەێد، تویڕەیی جەماوەر زیای کەێد، و هەمیش شوینەیل ناڕزایەتی فراوانەو کەێد.
ئەوەیش دویای ئەوە ک ئیران دویەم وەسێدارەدان وە چەن رووژیگ جیوەجی کرد، و مەجید رزا رەهنورد لە تەمەن ٢٣ ساڵان لە ساڵ مەشهەد وەسێدارە دا، و شوپوول توڕەیی نوویگ وەلایەن ناڕەزایل دروس کرد، ک داوای لەناوبردن رژیمەگە کەن.
رووژنامەگە وتیش: یەکەم وەسێدارەدان لە رووژ پەنجشەممە جیوەجی کریا، لە ناو زیندانیگ نزیک تەهران، و دویەمەگە دویەکە دووشەممە، نەفرەت و شەرمەزارکردن فرەیگ وەلایەن جەماوەر ئیران، و کۆمەڵەیل ماف مرۆڤ پەیا کردن، و هەمیش رەخنەیلیگ «دەگمەن» وەلایەن کەسایەتیەیلیگ لەناو دامەزراو ئاینی ئیران.
رووژنامەگە وتیش: جیوەجیکردن وەسێدارەدان ئاشکرا وە شیوەی فراوانیگ وەلایەن رژیم ئیران ئەرا کوشتن و بڕین راپەڕینیگ تیەێد ک لەوەخت شوڕش ١٩٧٩ تا ئیسە قویلتر و فراوانتر بوی.