شەفەق نیوز/ فرۆکەیگ کڕ ئاسمانی ژاپۆنی لەناو رێڕەو فرۆکەخانەی هانیدای ناودەوڵەتی لە تۆکیۆ، ئمڕوو سێشەممە، ئاگر گرد تەنیا رووژیگ لەدویای زەویلەرزەیگ تون وە هاز 7.6 پلە کە رووبەر فراوانیگ لە کناراوەیل خوەرئاوای ژاپۆن ویران کرد.
لە پارچە فیدیۆیەیل تەلفزیۆنی کەناڵ "ئێن ئەتش کای" ژاپۆنی دەرچگە فرۆکەی مەقەی رێکردن لەبان ریڕەو لە بەش دویایەو ئاگر هیزگرێد.
قسەکەر کڕ ئاسمانی ژاپۆنی راگەیاندیە، ئەو فرۆکە کە ئاگر لەلی هێزگردیە لە فرۆکەخانەی ناودەوڵەتی هانیدا زیاتر لە 300 سەرنشین هەڵگردیە.
دەزگایەیل راگەیانن ژاپۆنی راگەیانن، فرۆکە ژاپۆنی سزیاگە لەیەکەودایە وەرد فرۆکەیگ سەر وە پاسەوانەیل کناراوەیل کە لەبان رێڕەوەگە چگە، لەیەکەودانەگە بویەسە مدوو هیزگردن ئاگر لە فرۆکەگە.