شەفەق نیوز/ ئیدارەی سەروەخوەی ناوچەیل باکوور و خوەرهەڵات سوریا، ئمڕوو شەممە، کوشیان جیگر هاوسەرۆک ئەنجومەن جیوەجیکردن ئیدارەگە لە پەلامار فڕۆکەی درۆنە تورکیەگە دویەکە جمعە لە کەلار راگەیان.
رووژاڤا لە بەیاننامیگ رەسیە ئاژانس شەفەق نیوز وت: فەرهاد شبلی ک ناسریاگە وە فەرهاد دێڕێک، جیگر هاوسەرۆک ئەنجومەن جیوەجیکردن ئیدارەی سەروەخوەی باکوورو و خوەرهەڵات سوریا، دویەکە لە رویداو گورز فڕۆکەی تورکیا لە شار کەلار کوشیا.
وەرجەیە، سەرچەوەیگ ئەمنی لە هیزەیل ئاسایش باس لە وازکردن لێکۆڵینەوەی فراوانیگ لە رویداو گورز فڕۆکەیگ بێفڕۆکەوان تورکیا لەبان ئەندامەیل پەکەکە لە دەورگرد قەزای کەلار کرد.
دەزگای دژەتیرۆر لە هەرێم کوردستان، دویەکە جمعە، خەوەردا ک فڕۆەکیگ بێفڕۆکەوان تورکیا پەلامار ماشینیگ پەکەکە دا، ک بویە هووکار کوشیان چوار ئەندامیان لە قەزای کەلار.