شه‌فه‌ق نيوز/ فلاديمير بۆتين سه‌رۆك رووسى، ئه‌و په‌لامار ئه‌مريكيه ك ئه‌نجام دريا ئه‌را بان سوريا وه دوشمنايه‌تييگ زه‌ره‌دمه‌ن تاريف كرد له‌بان په‌يوه‌نديه‌يل ناونى روسياو واشنتۆن.
له‌ى باوه‌ته‌و، ديمترى بيسكۆف قسه‌كه‌ر رووژنامه‌نويس وه‌ناو كريملين وت: بۆتين ئى په‌لاماره‌يل وڵاته‌يل يه‌كگرتگه ئه‌را بان سوريا وه دوشمنايه‌تييگ دژ ده‌وڵه‌تيگ خاوه‌ن سه‌روه‌رى و چه‌واشه‌كارييگ ئه‌را ياسايه‌يل ناوده‌وڵه‌تى زانێد وه ئه‌وه‌گ ئى هه‌وڵه‌يله زه‌ره‌د ره‌سنێده په‌يوه‌نديه‌يل ناونى روسيا و واشنتۆن و كار دامه‌زرانن هاوپه‌يمانى گه‌ورايگ دژ ترۆر په‌ك ئه‌خا.
جى باسه، ده‌مه‌و شه‌وه‌كى ئمڕوو سوپاى ئه‌مريكى 59 مووشه‌ك توماهوك وه‌شان ئه‌را بان ته‌ياره‌خانه‌ى سه‌ربازى ئه‌لشعێرات له باشوور خوه‌رهه‌ڵات شار حمس له ناوڕاس سوريا.