مانگ ئایار بەدترین مانگ بوی ئەرا ناوچەگە،  پلەی گەرمی لە دیهلی پایتەخت و ویلایەت ڕاجستان نزیک لە شارەگە رەسیە 50 پلەی سەدی.

 لە لاییگ ترەک بەشیگ لە خوەرهەڵاتی هندستان لەوەر زریان قوم زیانی وەپی رەسی، وەگەرد واران رفتیگ لە ویلایەت ئاسام لە باکوور خوەرهەڵات ویلایەت ئاسام لە 28ی ئایار 14 کەس گیانیان لەدەسدان.

 لە هەڵوژاردنە گشتییەیل هندستان کە وەی دویاییە کۆتایی هات، لەلای کەمەو 33 کەس لە مەوقەی کارکردن گیانیان لەدەسدان، کە شایەت وە جەڵتەی گەرما بویە لە ویلایەت ئۆتار پرادێش و بیهار لە باکوور و ئۆدیشا لە خوەرهەڵات، لە رووژ جمعە.

 داتایل سەنتەر نیشتمانی ئەرا کۆنترۆڵکردن بیماریەیل ئاشکرا کردن کە لە مانگ ئایار رەوشەگە خراوتر بویە و شمارەی مردن لەوەر گەرمی رەسیەسە 46 کەس، یەیش بیجگە لە 19 هەزار و 189 حاڵەت گومان تویشبوین وە جەڵتەی گەرما.

 رەوژنامەی (The Hindu) بڵاو کرد کە  بڕ گشتی ئەو کەسەیلە کە لەوەر گەرمی فرە مردنە  هاتی 80 کەس بوود.

 تەنیا لە ویلایەت مادیا پرادێش لە ناوڕاس هندستان زیاتر لە پەنج هەزار جەڵتەی گەرما پەیا کریاس.

 هندستان تاوسان فرە گەرمیگ وەخوەی دوینێد، بەشیگ لە دیهلی پایتەختیش بەرزترین پلەی گەرمی تا ئیسە لە وڵاتەگە توومارکرد و رەسیە 52.9 پلەی سەدی، سەرەتای ئی هەفتە.