شەفەق نیوز/ ولایەت جۆرجیا لە ئەمریکا، ئمڕوو سێشەممە، شمارەیگ گڕمەهڕ "قایمیگ"رویدایە ک بویە مدوو پەکخستن زیاترلە 500 گەشت ئاسمانی لە فرۆکەخانەی هارتسفیلد ناودەوڵەتی لە ئەتلانتای ئەمریکا، هەمیش لە فرەیگ ناوچەیل شارەگە کارەبایان بڕیایە.
تونی وا رەسیەس ئەرا هەشتا میل لە ساعەتیگ، بویەسە هوکار زەرەر رەسانن وە ماڵ و مولک وبڕیان ری و کەفتن دار، لە گوزەشتە کەشناسی هوشداری دا گەردەلویلەگان سامناکن هاتێ بوودە مدوو مردن و لەناوداین ماڵ و مولک.
تا نیمەشەو دووشەممە وەپای وەخت کناراوەیل خوەرهەڵات وڵاتە یەکگرتگەیل، دەسڵاتدارەیل وڵایەتەگە بار نائاسایی پلە سێ راگەیان.
ئاژانس "ئەسیۆشیت پرێس" دووپاتکردیە؛ لەلای کەمەو کەم دوو کەس مردیه، هەزاران گەشت ئاسمانی ئەمریکی وسیا یا دویا کەفت، و کارەبا لەبان زیاتر لە 1.1 مەلیۆن ماڵ و کۆمپانیای بازرگانی بڕیایە، دویەشەو دووشەمە وەگەر گەردەلویل، سەردی و گڕمەهڕ لە خوەرهەڵات وڵاتە یەکگرتگەیل رویدا.