شەفەق نیوز/ دەسەڵاتەیل شار فیلادێلفیای ئەمریکا دووپات کردن ک بەشیگ لە ری سەرەکی "ئاي-95" ک رییگ گرنگە لە وڵاتەگە بڕیا، دویای هیزگردن ئاگریگ وەبی کەفتن زەخمداری.
ویستگەیل تەلەڤیزیۆن ناوخوەیی ئەور گەپیگ لە دویکەڵ نشان دان مەوقەی هیزگردن ئاگرەگە، وەگەرد رمیان بەشیگ لەو ریە ک چوار کڕ سەرەکی لەژیری هەس.
سارە بیتێسۆن قسەکەر شارەگە لە بەیاننامەیگ رەسیە ئاژانس فرانس پرس وت: ئاگر گەورەیگ وەی شەوەکیە لەژیر ری سەرەکی ئای -٩٥ بویە هوکار رمیانی.
دیرک بومەر وەرپرس لە ئاگرکپەوکردن فیلادێلفیا لە کۆنگرەیگ رووژنامەوانی وت: ئەندامەیل وەرگیری شارستانی رەسینە شوینەگە و زانستن ک ئاگرەگە دویای سزیان ماشینیگ هیز گردگە، و مارکەی ماشینەگە نیەزانیمن.
راپۆرتەیل رووژنامەوانی باس هیزگردن ئاگر لە تانکەریگ کردن.
دەسەڵاتەیل شارەگە وتن؛ ئاگرەگە کپەو کریایە، و پولیس رەیەگە وە هەردوگ رویەگە بڕیە.