شەفەق نیوز/ دەسەی کەشناسی لە وڵات هندستان، ئمڕوو چوارشەممە، پلەی گەرمی پەیمانەیی لە نیودیلهی پایتەخت توومار کرد، کە رەسیە 52,3 پلەی سەدی.
وەگورەی دەسەگە، ئی گەرمیە کە دویای نیمەڕو چوارشەممە توومار کریا، لە ناوچەی مونجشبور لە نيودیلهي، لە ئاست پلەی پەیمانەیی نیشتمانی وەرین رەد کرد کە لە بیاوان راجاستان توومار کریاس.
وەرجەیە، دەسەگە باس توومارکردن ئاستەیل پەیمانەیی لە نیودیلهی لە رووژ سێشەممە کرد کە رەسیە 49,9 پلەی سەدی، و لە چوارشەممە رەسیە 50,5 پلە.
دەسەڵاتەیل ئەو شارە کە بڕ دانیشتگەیلی رەسێدە نزیکەی سی ملیۆن کەس، ئمڕوو هوشداری تەندروسی دەرکرد.
هوشداری لە تویشهاتن وە بیماریەیل گەرمی ئەرا گشت تەمەنیلیش کرد.
مەزەنە کریەێد پلەی گەرمی لە ناوڕاس و باکوور و خوەرئاوای هندستان کەمکەم لە رووژ پەنجشەممەو داوەزێد.