شەفەق نیوز/ میکۆ کارنا، ئەندام پەرلەمان فینلەندا، لە راگەینراویگ داوا کرد جواو ڕەجەب تەییب ئەردۆغان، سەرۆک کۆماری تورکیا جویر خوەی بیریەێدەو ک رازی نەوی فینلەندا و سوید بچنە ناو ناتۆ، و گشت هاوڵاتیەیل فینلەندی بایکۆت کاڵای تورکی بکەن.
کارنا داوایش کردیە کەس دیەودویا کەباب تورکی نەخوەێد، باوجی دووپاتکەێد ک “ئەو کەبابەی وە دەس کوردەیل دروس کریەێد گرفت نییە".
لە هەمان وەختیش داوا کەێد لە مەوقەی پشووی تاوسان ئمساڵ هویچ هاوڵاتیەیگ فینلەندی ئەرا گەشتوگوزار سەردان توریا نەکەێد، لە وەختیگ ک کەرت گەشتوگوزار سەرچەوەی سەرەکیگە لە داهات تورکیا ساڵانە دەیان ملیۆن گەشتیار سەردان ئەو وڵاتە کەن.
لە دویای پەلامارەگەی رووسیا وەبان ئۆکران هەریەک لە وڵاتەیل سوید و فینلەندا و مۆلدۆڤیا دەس وە ئامادەکاری کردنە و داوا پیشکەشکردن تا بوون وە ئەندام لە ناتۆ تا لە مەترسیەیل پەلامار رووسیا مقەیەتی بوون.
باوجی تورکیا لەسەرتای ئێ هەفتە ک خاوەن دویەمین سوپای گەورەی ناو ناتۆیە، وە تونی ئی کارە رەدکرد.