شه‌فه‌ق نيوز/ ئۆزتورك يه‌ڵماز باڵوێز وه‌رين توركيا له موسڵ، ك له‌لايه‌ن ريكخرياگ تيرۆريستى داعشه‌و وه‌ل ئه‌ندامه‌يل باڵوێزخانه‌گه‌ێ له ساڵ 2014 رفيا، ئاشكراى ئه‌وه كرد نياز خوه‌ى كانديدكردن ديرێد ئه‌را ركابه‌رى ره‌جه‌ب ته‌يب ئه‌ردۆغان سه‌رۆك توركى له هه‌ڵوژاردنه‌يل سه‌رۆكايه‌تى ك له 24 حزيره‌ان ئاينده ئه‌نجام ئه‌گرێد.
يه‌ڵماز ئه‌ندام حزب ملله‌ت كۆمارى گه‌وراترين حزبه‌يل ئۆپۆزسيۆن توركيه‌و خوازياره خوه‌ى كانديد بكا له حاڵه‌تيگ ئه‌گه‌ر حزبه‌گه‌ى كه‌مال كليتشدار ئۆغلۆ كانديد نه‌كا ك زويتر ئاشكراى كرد كانديد ناكريه‌ێد.
جى باسه، مانگ گوزه‌يشت يه‌ڵماز و باقى كارمه‌نده‌يل تر وه ئه‌وه تومه‌تبار كريان هووكار ته‌سليمكردن باڵوێزخانه‌گه بوينه وه داعش له موسڵ.