شەفەق نیوز/ هیمان کاریگەری شکستەگەی جمعە پەرشەلۆنەی ئیسپانی لەبان دەس بایرین میونیخ یانە کاتالۆنیەگە هاوردیەسە لەرزە، ک هیشت بانگەشەی ئیدارەگەی بکەێد ئەرا دەسوەردان و بردن بریاریل زوینەی بیوەرینیگ.
پەرشەلۆنە ٢-٨ دانا، لەبان دەس تیمە باڤاریرگە، لە چارەکە کۆتاییەگەی پاڵەوانەیل ئۆڕوپا، تا لەو پاڵوانیە دەرچوود، ک لەدویاترین جار نازناوەگەی لە ٢٠١٥ هەڵگرد.
راپۆرتەیلیگ رۆژنامەوانی ئاشکرا کردن ک ئیدارەی پەڕشەلۆنە بڕیار فڕووشتن فرەی بازیگەرەیلی دا، لەناویان هەسارەیل گەەورایگ و ناوەیل وەناوبانگیگ هەس، لەماوەی گواستنەوە تاوسانیەگان.
هەنای پرسیار کریا لە جۆسیپ ماریا بارتۆمیو وەرپرس یانەگە لەبان راسی ئی راپۆرتەیلە، تەنیا ناو ٧ بازیگەر دیاری کرد ک ئەرا فرووشتەنی نیین، لە چوارچیوەی پلانەگەی ئەرا دووارە بیناکردن تیمەگە، وەگورەی وتارەگانی ئەرا کەناڵ تەلەفزیۆنی یانەگە.
بارتۆمیو وت: کی ئەرا فرووشتن نیە؟ لیو میسی، خوەی ئەوە زانێد، چوونکە خاسترین بازیگەرە لە جهان.
وتیش: هەمیش باس لە مارک ئەندڕێ تیر چیگن کەیمن، و نیلسون سیمیدو، و فڕانکی دی بۆنگ، و کلیمو لانگلی، وعوسمان دیمبلی، وهەمیش ئەنتوان گڕیزمان.
ناو ئەنسو فاتی هەسارە گەنجەگە لەو ناوەیلە نەوی، بەڵکم لەوەختیگ گوزەیشتە دووپاتکرد ک بازیگەرە پێشەنگەگە لە کامپ نو دەرنێەچوود.