شەفەق نیوز/ دەسەڵاتەیل فیلیپین، ئمڕوو شەممە، رخ و نیگەرانی خوەیان لە قەیران ژینگەیی گەورەیگ نشان دان، دویای نزەکردن بڕەیل کەمیگ لە نەفت لە کەشتی نەفتهەڵگر کە لە خەلیج مانیلا لەناو زریان نقوم بوی.
و دەسەڵاتەیل زویوەزوی کەفتنە کارکردن لەژیر ئاو، تا ئەو بار فرە ژەهراویە بکیشن، کە هیمان بارەگە خاسە، وەرجەیەگ کارەساتیگ ژینگەیی دروس بکەێد.
ئەو کەشتی نەفتهەڵگرە درویژیی رەسێدە ٦٥ متر، نزیکەی ١.٤ ملیۆن لتر سزەمەنی لەناو تانکەیلیگ سفت بەسیاگ باری بوی هەناێ شەپوول گەپیگ نقومی کرد، و دیارە ئاو چگەسە ناوی و پەکی کەفت.
تیمەگە وە رەنج سەختیگ تواستن روی وەرەو بەندەر بکەن، وەلێ لە رووژ پەنجشەممەی گوزەشتە نقوم بوی.
قسەکەر پاسەوان کەناراوەیل ئەدمیڕاڵ ئەرماندۆ بالیلۆ وت: ١٦ کەس لە تیمەگە رزگار کریان، وەلێ یەکیگیان خنکیا.