شه‌فه‌ق نيوز/ راپۆرتيگ ئاسايشى ئه‌وه ده‌رخست ك ريكخرياگ ترۆريستى داعش 14 په‌لامار له توركيا ئه‌نجام داگه‌و 304 كه‌س كوشتگه و له ناونيانيش 10 پياو ئاسايش و سه‌ربازيگ له مانگ يۆليۆ ساڵ 2015 تائيسه.
رووژنامه‌ێ جمهوريه‌ت توركى له زووان راپۆرتيگ وزاره‌ت ناوخوه‌يى توركى وت: ده په‌لامار خوه‌يكوشى له‌لايه‌ن داعشه‌و ئه‌نجام درياگه‌و په‌لاماريگيش وه بۆمب و سێ په‌لاماريش چه‌كدارى ك بوينه‌سه هووكار زه‌خمداركردن 1388 كه‌س و له‌ناونيانيش 62 پياو ئاسايش و 7 سه‌رباز.
جى باسه، راپۆرته‌گه ئاماژه وه‌يه‌يش كرد ك سێ په‌لامار له شار ئه‌سته‌مبوڵ ئه‌نجام دريانه‌و په‌نج په‌لامار له دياربه‌كر و شانلى ئۆرفا و غازى عه‌نتاب و ئه‌نقه‌ره‌ێ پايته‌خت، ك ده‌سڵاته‌يل ئاسايشى 22 كرده‌وه‌ێ ترۆريستييش له ساڵ گوزه‌يشت پويچه‌ڵه‌و كردگه.