شه‌فه‌ق نيوز/ راپۆرتيگ ئه‌ڵمانى وت: وه‌ل گه‌مارۆداين عه‌فرين له‌لايه‌ن سوپاى توركيه‌و، وه‌لێ وه‌ل ئه‌وه‌يشا ناتۆ دوير وه‌دوير چه‌ودێرێ ئه‌كاو هه‌رچه‌نى ك ناوچه‌گه نموونه‌يگ بوێ له فريه‌يى و يه‌كسانى، وه‌لێ كورد پشت وه‌خوه‌يان به‌سن جوور ئه‌وه‌گ راينه‌ر هيمان نويسه‌ر له رووژنامه‌ى "فرانكفورته‌ر ئه‌لغماينه" باس له‌لى كردگه‌و ره‌جه‌ب ته‌يب ئه‌ردوغان سه‌رۆك توركييش هه‌وڵ داوڕين ناوچه‌يليان ئه‌ياد.
راپۆرته‌گه وت: دوياى دو مانگ له ده‌سوه‌پيكردن په‌لاماره‌يل چڵه‌زه‌تون، كه‌فتن شاره‌گه‌و ناوچه‌گه ك هه‌مان ناو ديرن ته‌نيا مه‌سه‌له‌ێ وه‌خته‌و هه‌ناى ك هيزه‌يل پياده‌ى توركى ده‌سكردنه كۆنترۆڵكردن شاره‌گه له‌ڕێ جه‌نگ جاده ته‌نيا رووژه‌يليگه يا هه‌فته‌يليگ ئاينده‌سه، چوينكه فيشتر له 100 هه‌زار كه‌س له خه‌ڵك عه‌فرين ك زوورميان مه‌ده‌نى كوردن ئاماده نين له شاره‌گه‌يان ده‌ربچن له‌ڕێ دويا ريه‌يليگ له‌ناحيه‌ى حه‌له‌به‌و ك عه‌فرين ئه‌وه‌سێده جه‌هان ده‌ره‌كى.
جى باسه، راپۆرته هه‌ميش وت: هه‌رچه‌نى سوپاى سورى له سه‌ره‌تاى په‌لاماره‌گه‌ێ ئه‌وه ده‌رخست ك وه‌رگرى له سه‌روه‌رێ سوريا ئه‌كا وه‌ل كورد، وه‌لێ دوياخر هه‌ناى ك بنكه‌يلێ تويش بوردمانكردن هات له‌لايه‌ن هيزه‌يل ئاسمانى توركيه‌و يه‌كسه‌ره روسيا داواى خويكيشانه‌وه‌ى سوپاى سورى كرد و دوياخريش هويش ئه‌سه‌ريگى نه‌مه‌ند.