شه‌فه‌ق نيوز/ راپۆرتيگ ك له‌لايه‌ن كۆنگرس ئه‌مريكيه‌و ده‌رچيه باس له‌وه كرد ك ئحساس وه گه‌ورايى زاڵ بويه‌سه بان ئيرانيه‌يل ئه‌را دوباره‌كردنه‌وه‌ى ئمبراتۆريه‌ت كويه‌ن فارس، ك يه‌يش له‌يوا كردگه پشتگيرى له په‌نج قه‌واره بكا وه‌خاتر هاوردنه‌وه‌ى ئه‌و ئمبراتۆريه‌ته‌و زاڵبوينى له ناوچه‌گه.
راپۆرته‌گه وت: ته‌هران هه‌وڵ ئستغلالكردن به‌نده‌يل ئه‌ياد له ريككه‌فتنه ئه‌تۆميه‌گه ك ئمزاى كرد له‌ساڵ 2015 وه‌ل وڵاته‌يل يه‌كگرتگ ئه‌مريكى و وڵاته‌يل خوه‌رئاوا ئه‌را ده‌ركه‌فتن جوور ناوه‌نديگ هه‌رێمى وزه‌و بازرگانى و دانيشتن له‌باره‌ى سه‌ندن چه‌ك له ئاينده.
وه گووره‌ى راپۆرته‌گه په‌نج قه‌واره ده‌سميه‌ت له ئيران وه‌رئه‌گرن ك پيكهاتنه له حكومه‌ته‌يل هاوه‌يمان و فه‌سيله‌يل چه‌كدار جوور: رژيم ئه‌سه‌د له سوريا، حزبوڵڵاى لوبنانى، ميليشيايه‌يل حووسى له يه‌مه‌ن، ميليشيايه‌يل شيعه‌ى عيراقى، جه‌ماعه‌ت چه‌كدار به‌حره‌ينى.