شەفەق نیوز - تاران
محمد موخبیر راوێژکار ریبەر ئیرانی موجتەبا خامنەیی، رووژ جمعە، وت کە سەرۆک ئەمریکی دۆناڵد ترەمپ "چین وە دەس پەتی وەجی هیشت دۊای دەرچگن بەیاننامەیگ کە لە وەرژەوەنیی نەۊ"، لەباوەت ئیران.
موخبیر لە بڵاوکریاییگ لەبان هەژمارەگەی لە ئێکس زیای کرد، کە "لوتکەی شنگن لە چین پەیامیگ ئاشکرا کلکرد ئەرا ناوچەگە کە ناوەڕۆکەگەی ئەوەسە وڵاتەیل یەکگرتگ دی هەژموون تەواو نەیرێد ئەرا گردەوکردن پاڵپشتی لە دژ ئیران".
لە کۆتایی وتیش کە "گەروو هورمز وەبی گومان کڕ سوور هەژمار کریەێد ئەرا ئیران، و گەرەنتی کارکردنی کەێد لەڕی هەفت مەرجە بنەڕەتییەکەیەو".
جی باسە کە ترەمپ سەردانیگ ئەرا چین ئەنجام دا کە لەناوی چەوی کەفتە هاوتا چینییەگەی شی جین پینگ و رووسییەگەی ڤلادیمێر پوتین، لە لوتکەیگ کە وە مێژوویی باسی کریا، وەلێ باس بڕیگ لە دۆسیە گەوهەرییەیل نەکرد کە لە ناویان ئیران و ئۆکرانیا و تایوان بۊن، وەختیگ هەر 3 سەرۆکەگە لە بەیاننامەیگ هاوبەش کە وە "راگەیانن ئاشتی" ناونریا، تەنیا دووپات کردنە بان گرنگی پاراستن ریڕەوەیل وزە وە ئارامی و وازبۊنیان، و ریگریکردن لە هەڵگیرسان جەنگ یا جەنگەیل ئەتۆمی.
ئەنجومەن پیرەیل ئەمریکی، ئیوارەی پەنجشەممە (وە وەخت بەغداد)، یاسایگ رەتەو کردۊد کە سەرۆک دۆناڵد ترەمپ پابەند کەێد وە کۆتاییهاوردن وە جەنگ ئیران یا وەرگردن رەزامەنی کۆنگرێس لەبان وەردەوامبۊنی.
ئەنجومەن پیرەیل وە زۆرینەی 51 دەنگ وەرانوەر 48، دەنگ دا لە دژ بڕیاریگ لەباوەت دەسەڵاتەیل جەنگ، کە لە گوزەشتە لە ئەنجومەن نۊنەرەیل پەسەند کریاۊد.