شەفەق نیوز/ پزشک ''ئانتونی فاوچی'' راوێژکار ماڵ چەرمگ وپسپۆڕ پەتاگان وت: مەردمەگە هەست وە ئەمینی لە ڤایڕۆس کۆرۆنا نێەکەن، یا واز لە وەکارهاوردن دەمامەک نێتیەرن لەوەخت چگنیان ئەرا شوونە گشتیەگان جوور شانۆەگان، تا وەرجە ساڵیگ لە ئیسەو. وەگورەی رۆژنامەی نیویۆرک تایمز.
لە چەوپیکەفتنیگ راستەخۆ لەبان ئەنیستگڕام وتیش: ئەرا واکسین خاسیگ وەراسی کەفتە دەسمان، ودریاگە گشتی، ئەوسا پلەیگ لە وەرگری لە کۆمەڵگا کەفێدە دەسمان، ومەزەنە کەیمن ک لەو وەختە توینێ وەبی دەمامەک بچیدە ناو شانۆ، وهەست بکەێد ک تو لە مەترسی نیێ. و دووپاتکرد ک ئەوە وەرجە نیمەی ٢٠٢١ نیەوود، وهەمیش دووپاتکرد ک ژیانەگە ئەرا سروشت خوەی نێچوودەو، ئەگەر واکسین ئەمین و گورجیگ دژوە ڤایڕۆسەگە بکەفێدە دەس.
فاونتشی ئاماژەکرد ک هەرچەن ک شایەت واکسینەگە لە وەخت زوییگ لە کۆتایی ئی ساڵە یا سەرەتای ساڵ ٢٠٢١ بکەفێدە وەردەس، بەڵکم شایەت ژیانەگە نەچوودەو ئەرا سروشتی خوەی وەرجە ئەوەگ ژمارەی خاسیگ لە کەسەگان وەکارنارن، تا مقەیەتی فراوانیگ دابین بوود.