شەفەق نیوز/ تەهران

دوو پۆلیس ئیرانی، ئمڕوو دوشەممە، لە ئەنجام پەلاماریگ چەکداری کە کاروان دەوریەیگ پۆلیس لە شار بمپوور لە پارێزگای سیستان و بەلووچستان لە باشوور خوەرهەڵات ئیران کردە ئامانج کوشیان، لە نووترین زنجیرەی پەلامار و رویداوەیل ئەمنی   کە پارێزگا سنووریەگە لەی دویاییە   وەخوەیەو دوینێد.

تەلەڤزیۆن ئیرانی لە ئامار سەرەتاییگ راگەیاندبوی کە پۆلیسیگ لە هێرشەگە کوشیاگە، وەرجە ئەوەگ ئاژانس "تەسنیم" هشارە وە بەرزەوبوین شمارەی کوشیاگەیل ئەرا دوو کەس بکەێ.

"تەسنیم" راگەیان  چەکدارەیل  دەوریەیگ وەباوەڕ پۆلیس لە شار بمپوور لە پارێزگای سیستان و بەلووچستان کردنە ئامانج، لە وەختیگ تا ئیسە زانیاری تەواو لەبان چوینیەتی جیوەجیکردن پەلامارەگە یا شمارەی بەشداربویەیلی دیار نییە.

هێرش بمپوور لەناو تێکچگن ئاسایشیگ تێد کە پارێزگای سیستان و بەلووچستان لەی رووژەیل دواییە وەخوەیەو دی،  توومارکردن چەن پەلاماریگ و دەنگەدەنگ  کە هێزەیل ئاسایش ئیرانی کردنە ئامانج.

پارێزگاگە لە سه‌رەتای تشرین یەکەم/ ئۆکتۆبەر، پەلاماریگ  وە بۆمب چێنریاگ ئەرا بان ماشینیگ ئاسایش وەخوەیەو دی، لەناو ئاڵشتکردن تمەت تاوانباری  لەناوەین دەسەڵاتدارەیل ئیرانی و گرووپەیل چەکدار کە لە ناوچەگە چالاکی کەن لەبان  وەرپرسایەتی چەن پەلاماریگ لەی دویاییە.