شەفەق نیوز/ حکومەت ئیران، ئمڕوو چوارشەممە، لەبان سەرکەفتن دۆناڵد ترەمپ لە هەڵوژاردن سەرۆکایەتی ئەمریکا هاتە دەنگ.
فاتمە موهاجرانی قسەکەر حکومەت ئیران وت: جیاوازیی گەورەیگ ئەرا ئیران نییە لەناوەین دۆناڵد ترەمپ کاندید کۆماری ئەرا سەرۆکایەتی ئەمریکا یا جۆ بایدن سەرۆک ئیسەی.
وتیش: هەڵوژاردن سەرۆک ویلایەتە یەکگرتگەیل پەیوەندییگ تایبەت وە ئیرانەو نەیرێد، کە سیاسەت تەهران هەر خوەیە، و سیاسەت گشتی واشنتۆنیش هەر خوەیە.
ئمڕوو چوارشەممە، ترەمپ سەرکەفتنی لە هەڵوژاردن سەرۆکایەتی ئەمریکا راگەیان، کە وت: سەرکەفتنیگ میژووی وەدەس هاوردم، و کەلەکە حکومڕانییگ دویەم پیشکەشم کرد.