شەفەق نیوز/ "میر ئاقا عەبدی" سەرپەرشتیار فەرمانگەی گومرک لە پارێزگای ئیلام (خوەرئاوای ئیلام)، ئمڕوو یەکشەممە، راگەیان بڕ بەرهەمیل کشاوەرزیەیلە کە هەناردەی عراق کریاگە لەری دەروازەی سنووری میهران، لە ماوەی هەشت مانگ یەکەم وەپای ساڵ ئیرانی کە لە (21مارس) دەسوەپی کەێد رەسیەس ئەرا 250 هەزار تەن.
دەزگایەیل فەرمی ئیرانی لە زوانی "عەبدی" راگەیاننە، ئێ هەناردەیلە وەرێژەی 68 لەسەد لە بڕ و بەرزەوبویە و 22 لە سەد لەروی کێش، وەپای هەمان ماوە لە ساڵ گوزەشتە.
وتیش، بەهای ئەو بەروبومەیلە 107 ملیۆن دۆلارە، لە گرنگترین بەرهەم کشاوەرزی هەناردەکریاگە لەری دەروازەی میهران شامی و کاڵەک و سیف و خەیار و تەماتەو پرتەقالە.
"عەبدی" دیاریکردیە لەو ماوەیە بڕ یەک ملیار و 169 ملیۆن و 500 هەزار دۆلار ئەناردەکریاگە لە کەلوپەیل جیاواز لەری دەروازەی میهران سنووری وەرد عراق و وڵاتەیلتر.
نزیکەی 600 بارهەڵگر رووژانە لەری دەروازەی میهران رەدبوون.