شەفەق نیوز/ دوو رووژنامەنویس ئیرانی لەکەناڵ تەلەڤزیۆنی "ئیران ئەنتەرنەشینەڵ" وەزوان فارسی کار کەن، ک بارەگای هالە لەندەن، لە تەهرانەو هەڕەشەی کوشتن ئەرایان هات.

ڤۆلانت میدیا Volant Media   گرووپ خاوەن کەناڵەگە لە بەیاننامەیگ وت: ئەو دوو رووژنامەنویس ئیرانی بەریتانیە لە شانشین یەکگرتگ هەڕەشی کوشتیان لەلایەن سوپای پاسدران ئەرایان رەسیە.

وەگورەی گرووپەگە دوو رووژنامەنویسەگە هوشداری و هەڕەشەی راسگویگ ئەرایان هاتیە، ئەراوە پولیس لەندەن وەفەرمی ئاگادار دوو رووژنەنویسەگە کردن ک ئی هەڕەشەیلە مەترسی راسی و گەورەیگ لەبان ژیان خوەیان و کەسەیل خانەوادەیان دیرێد.

پولیس لەندەن لە پەیوەندییگ وەگەرد ئاژانس فرانس پڕس وت: لەبان باوەتەیلیگ ئەمنی پەیوەندی وەکەسەیلیگ بیاشتاد قسەیگ نیەکەێد.

وەگورەی ڤۆلانت میدیا، پولیس لەندەن وەکوتپڕ ئاگادار رووژنامەنویسەیلیگ تر لە خود کەناڵەگە وەی هەڕەشە کردن.

بەیاننامەگە لەزوان قسەکەریگ وەناو کەناڵەگە وت: ئەوە هەڕەشەی دەوڵەتیگە وەبان رووژنامەنویسەیلیگ لە بەریتانیا.

کەناڵەگە وەتایبەت کار لەباوەت خوەینشاندانە کەێد ک دویای کردن ژینا ئەمینی ٢٢ ساڵان وەدەس پۆلیس ئەخلاق کەێد، و ئەو کوشتن و بڕینە لەلایەن دەسەڵاتەیل ئیران ک تا ئیسە زیاتر لە ٢٠٠ کەس لە ناڕەزایل کوشیانە لە ژن و ناخاڵەیش هاناویان.