شەفەق نیوز/ وەزارەت دەیشت ئیران، ئمڕوو شەممە، هەڕەشەی وەڵامدان وەبان پەلامار دویایین ئیسرائیل دا، کە شوینەیلیگ سەربازی لە وڵاتەگە کردە ئامانج.

وەزارەتەگە لە بەیاننامەیگ وت: ئەو پەلامارە پێشێلکردنە ئەرا یاسای ناودەوڵەتی و پەیماننامەی نەتەوە یەکگرتگەیل، وتیش: ئیران ماف خوەیە وەرگری لە خوەی بکەێد وەرانوەر هەر پەلاماریگ بیگانە وەگورەی ئی پەیماننامە.

 وەزارەت دەیشت ئیران وتیش: وەردەوامبوین تاوانەیل زایۆنیستی لە ناوچەگە وە پشتگیریکردن سەربازی و سیاسی ئەمریکا و خوەرئاوا کاریگەر گرژیە و دووپات کرد کە وڵاتەگەی گشت توانایلی ئامادە کەێد ئەرا وەرگریکردن لە ئاسایش و بەرژەوەنی ز پابەندیەیلی وە ئاسایش هەرێمی.