شەفەق نیوز- تەهران

ئەمیندار ئەنجومەن باڵای ئاسایش نەتەوەیی ئیرانی موحسن رەزائی، رووژ دووشەممە، هەڕەشەی وەئامانجگردن کێبڵەیل و ناوەندەیل داتا و دامەزراوەیل زیرەکی دەسکرد لە ناوچەگە دا، لە ئەگەر دەسکردن وە جەنگ سەربازی تونوتیژ سەرلەنوو، لە وەختیگ وەڵام دۊایی ئەمریکی لەبان پیشنیار کووتاییهاوردن وە جەنگ وە ئەوەگ "بەش نیەکەێد" وەسف کرد.

رەزائی وت کە تەهران دی لە وەخت ئیسە وەڵام وڵاتە یەکگرتگەیل نیەێدەو، و بایەسە واشنتۆن شمارەیگ لەو باوەتەیلە رووشنەو بکەێد کە پەیوەندی وە پیشنیار کووتاییهاوردن وە جەنگ دیرن.

 ئاشکرا کرد کە وڵاتە یەکگرتگەیل رازی بۊە لەبان بڕیگ لە هەفت مەرجەگەی ئیران، لە وەختیگ هێمان هەڵویستەیلی لەباوەت مەرجەیل ترەک رووشن نییە، و دووپات کرد کە وەڵام دۊایی ئەمریکی ئەوە پڕەو نیەکەێد کە تەهران وە خوازریاگ دۊنێدەی ئەرا کووتاییهاوردن وە جەنگ.

وتیش کە هەر پەرەسەنینیگ سەربازی نوو شایەت گاڵ ئیران بەێد ئەرا فراوانکردن مەودای وەئامانجگردنەیلی تا ژیرخان دیجیتاڵی لە ناوچەگە بگرێدەو، وە کێبڵەیل و ناوەندەیل داتا و دامەزراوەیل زیرەکی دەسکرد و شوینەیل ترەکیشەو.