شەفەق نیوز/ ئیران  ئمڕوو یەکشەممە، هەڕەشەی پەلاماردان دیێگۆ گارسیا دا کە بنکەی هاوبەش بەریتانی و ئەمریکیە ئەگەر پەلامار سەربازی لە ئەمریکاو جیوەجی بکریەێد.

وەرپرسیگ باڵای سەربازی ئیران ئەرا رووژنامەی تەلەگراف بەریتانی وت: “تاران ئەو بنکە کەێدە ئامانج کە کەفێدە زەریای هیندستان لە وەڵام هەر پەلاماریگ ئەمریکی”.

ئەو وەرپرسە کە ناوی لەو رووژنامه ئاشکرا نەکریاس وتیە: "هیچ جیاکارییگ له ناوەین هیزەیل بەریتانیا یا ئەمریکا نییە ئەگەر لە هەر شوینیگ لە ناوچەگە پەلامار ئیران بیەن، یا له مەودای مووشەکەیل ئیران بوود".

وتیش: "ئەگەر ئەو وەختە هات، دی گرنگ نییە سەربازیگ ئەمریکی، بەریتانی، یا تورکی بوود، گشتی کریەێدە ئامانج ئەگەر ئەمریکییەیل بنکەگە وەکار بارن".

ئیران هووشداریدا کە " ئەو چەکە دیرێد ئەرا  پەلاماردانیگ لەو جویرە لە خاکەگەیەو، جویر وەشانە نووەیل مووشەک (خوڕەمشەهر) کە مەودای مامناوەندی دیرێد، و فڕۆکەی بێفڕۆکەوان خوەیکوشی (شەهید 136B)، کە مەودای 4 هەزار کیلۆمەترە".

سوپای ئەمریکا لەی دواییە فرۆکە بۆمب فریشتەیی B2 مەودای دویر و توانای هەڵگردن سەر ئەتۆمی ئەرا بنکەی دیێگۆ گارسیا برد، یەیش قسە و باس فرەیگ لەلی بویەو کە هاتێ ئەرا پەلامارەیلیگ سەربازیی وەبان ئیران بوود.

وینە مانگە دەستکردەیل کە لەلایەن ئەسۆشێتد پرێسەوە شیەو کریانە دەرخستنە کە واشنتۆن لەلای کەمەو ٤ فڕۆکەی بۆمبڕێژکریای ئەرا ئەو بنکە بردیە کە دویرە لە مەودای ئبران.

جی باسە کە بنکەی دیێگۆ گارسیا دامەزراوەیگ سەر وە وەزارەت وەرگری بەریتانیاس و وە کرا دریاسە هیز دەریایی ئەمریکا، و کەفێدە بان دوورگەیگ وە خود ناو لە زەریای هیندی.