شەفەق نیوز ــ تەهران

سەرچەوەیل راگەیانن فەرمی ئیرانی، ئمڕوو شەممە، خەوەردا مردن فەرمانبەریگ وزەخمداری چەن کراکاریگ وە مدوو هیزگردن ئاگر گەپیگ لە پاڵاوگەی "ئابادان"، کە گەپترین پاڵاوگەی نەفتیە لە باشوور وڵاتەگە.

ئاژانس خەوەری"شانا" سەر وە وەزارەت نەفت ئیران وت: ئاگرەگە لە یەکەی چارەسەرکردن شمارە 70 دەسوەپیکردیە کە کەفێدە ناو پاڵاوگەیگ لە پارێزگای خوزستان باشوور وڵاتەگە، دیاریکرد ئاگرەگە فرە قایم بویە، دویکەڵە خەسەگەی بەشیگ فراوان لە شارەگە گردیەسەوەر. 

وە لای کەم نۆ تیم وەرگیری رەسینەس ئەرا تەقەلای کپوداین ئاگرەگە، لەناوەین ئاگادارکردنەوەیگ ئەمنی و تەمێ دانشتگەیل لە نزیکەونەکەفتن لە ناوچەگە.

وەرپرسیگ ناوخوەیی دووپاتکرد، تیم فریاکەفتن توەنستنە ئاخڵەی ئاگرەگە بیەن و نواگیری لەلیبکەن لەوەگ ئەرا یەکەیل ترەک بچێد باوجی لێکۆڵینەوە وەردەوامە ئەرا زانین هووکارەگەی.