شەفەق نيوز/ مووشەکیگ ئیرانی کەفتە ناوچەی بیر سەبع لە باشوور ئیسرائیل، شەوەکی ئمڕوو جمعە، و ئاگر لە ماشینەیل فرەیگ هیز گرد، کە لە وەردەم بینایگ وسیاوێن، کە بیناگەیش زەرەد گەورەیگ وەپی رەسی.
فیکەی هوشداری لە ناوچەیل باشوور ئیسرائیل کوتا، و میدیایەیل ئیسرائیل باس زەخمداری شمارەیگ کردن.
تووڕ سی ئێن ئێن وت: ئاگر گەورەیگ لە نزیک بینای مایکرۆسۆفت لە بیر سەبع دویای پەلامارەگەی ئیران هیز گرد.
لە سۆشیال میدیا پارچەیل ڤیدیۆییگ بڵاو بوی ئەو ئاگرە نشان کەن کە لە شوین کەفتن مووشەکەگە هیز گردڕ و بڕیگ ماشین لەو شوینە سزیانڕ لەناویان بیر سەبع و نیفاتیم و رەهت.
فریاکەفتن ئیسرائیل وت: ئەو گورزە وەلایەن ئیران بویە هوکار زەخمداری شەش کەس.