شەفەق نیوز- تاران

ئاژانس "فارس" ئیرانی، رووژ شەممە، خەوەردا لە ژنەفتن دەنگ تەقینەوەیەیل لە نزیک دورگەی خەرج ئیرانی.

ئاژانسەگە خەوەردا کە کەشتییگ هەڵگر نەفت ئیرانی لە دورگەی خەرج تویش پەلاماریگ موشەکی ئەمریکی بۊە.

تا ئیسە، هیچ وردەکارییگ زیاتر لەباوەت سروشت پەلامارەگە یا بڕ زەرەدەیل نەڕەسیە، هەمیش هیچ دووپاتکردنیگ فەرمی ئەمریکی لەباوەت رۊیداوەگە دەرنەچگە.

وەزیر گەنجینەی ئەمریکی سکۆت بێسنت، دۊکە جمعە، دووپات کرد، کە "دەمار ژیان ئەرا هەناردەیل ئیران بڕیەێد، نیەتۊنێد یەدەگ نەفت خوەی نووەو بکەێد وەگەرد کەڵەکەبۊنی لەبان ئەو کەشتییەیلە کە لە گەروو هورمز گیر خواردنە".

وەزیر گەنجینە زیاتر وت: "هیچ باریگ نەفت ئیرانی لە گەروو هورمز وەرەو چین رەد نەۊە لە وەخت گلەوداین چەسپانن گەمارۆگە".