شەفەق  نیوز/ محمد ئیرانی، مەزەنەکرد ک ئەوە چینیگە لە ''پەلامار ئەلیکتڕۆنی'' هەنای یەکەم جار کورتە نامەیگ وەرگرد لەناوی ١٠ مەلیۆن دۆلار هەل گریاگە وەرانوەر چەن زانیارییگ لەبان تەقەلای دەسوەردان لە هەڵبژاردن ئەمریکا.

بەڵکم هەنای چگە ناو بەڕنامەیل ئەلیکتڕۆنی لە ماڵپەڕەگەی لە تویتەر، زانست ک ئەیە یەکیگە لەژمارەیگ نادیار لە ئیرانیەگان ک ئیجوور کورتە نامەیگ وەرگردنە، ک پڕۆپاگندە کەێد ئەرا تەقەلایلیگ لەی دویاییە وەزارەت دەرەوەی ئەمریکی رایگەیان ئەرا شکست هاوردن وە تەقەیلایل دەسوەردان لە هەڵبژاردن سەرۆکایەتی ئەمریکا.

لە خاوەن نامەگان ژمارەیلیگ تەلەفۆنی ئیرانی دیارنەکفت، نامەگان لەبان ئەنتەرنێت دیاردان، دویای ئەوە ک ئەوەانەگ وەریگردنە جوور وینە لەبان تویتەر وتلیگڕام بڵاوی کردن.

محمد ک داواکرد تەنیا ناو یەکەمی بڵاو بکریەێد وت: خوەییش لەوانەس ک کورتە نامەیل نادیار وەرگردگە ک تەما خەیەد وەر.

وتیش: نامەگان وەزوان فارسی نووسیانە وئووشن: '' ئەمریکا ١٠ مەلیۆن دۆلار دەێد ئەرا هەر زانیارییگ لەباوەت دەسوەردان بیگانە لە هەڵبژاردن ئەمریکا''.

مایک بۆمبیۆ وەزیر دەرەوەی ئەمریکا، چوارشەممە، وت: وڵاتەگەی ئیسە تا ١٠ مەلیۆن دۆلار هەل کەێد ئەرا هەر زانیارییگ بڕەسنیدەمان یا شوون دیار بکەێد، لەهەر کەسیگ هاژیر رینما یا فەرماندەیی حکومەتیگ بیگانە  ئەرا دەسوەردان لە هەڵبژاردن ئەمریکا، لە باوەت چالاکیەیلیگ تاوانکاری لە ری ئەنتەرنێت.

ناریمان غەریب لە کومەڵەی ''سیرتفا'' ئەرا ئەمن ئەنتەرنێت کارکەێد، وت؛ هەنای زانست وە کار کورتە نامەگان، یەکسەر هەست وە نیگەرانی کرد، چوونکە ئەو نامەیلە مەترسی ئەمنیە لەبان ئەوانەگ هانە ناو ئیران