شەفەق نیوز ـ تەهران
سوپای پاسداران ئیران، ئمڕوو چوارشەممە، هیزگردن ئاگر لە چوار بارهەڵگر نەفت راگەیان وە مدوو لەیەکەوداین وە مین دەریایی مەوقەی تەقەلاداین ئەرا رەدبوین لەری رێڕەو دەریایی قەیەغەکریاگ لە باشوور تەنگەی هورمز.
سوپای پاسداران لە بەیاننامەیگ ئاژانس شەفەق نیوز ئیسفایکرد راگەیان، ئاگر تا ئیسە هیزگرد لە چوار بارهەڵگرەگە، و دیاریکرد کۆنترۆل دوو کەشتی ترەک کریا لە وەخت رویداوەگە.
لە بەیاننامەگە ئاشکرای رەگەزنامەی بارهەڵگرەیل و بڕ زەردەیل رویداوەگە نەکریاس.
ئێ ئەوزەڵکردنەیلە لە ناوڕاس وەردەوامی ئالۆزییەیل ناوەین تەهران و واشنتۆن تێد لەبان بەسانن تەنگەی هۆرمز، لەدویای ئەوەگ فەرماندەیی ناوەندی ئەمریکا "سنتکۆم" لاوردن مینەیل لەناو رێڕەو سەرەکیەیل راگەیان، لەوەختیگ ئیران گومان دیرێد لەو ریڕەوە و هووشداری وە بارهەڵگرەیل دەێد لە وەکارهاوردنی.