شەفەق نیوز/ وەزارەت دەیشت ئیران، ئمڕوو دووشەممە، دووپات کرد کە ئەنجامدان گردەوبوینیگ لە ئەنجومەن ئاسایش ناودەوڵەتی هەڵپڕکیان سیاسەتەیل ئەمریکی ئەوروپی نشان دەێد، وتیش: ئەوروپا دویای خوەیکیشانن ئەمریکا لە رێککەفتن ئەتۆمی نەتوەنست پەیمانەیلی وەجی بارێد و رۆڵیگ بیناکەر لە دانوسەنینەیل نەیاشت.
ئیسماعیل بەقائی قسەکەر وەزارەتەگە لە کۆنگرەی رووژنامەوانی هەفتانەی کە ئاژانس شەفەق نیوز چەودیاریی کرد وت: ئیران وەهویچ مەرجەیلیگ نایاسایی رازی نییە یا مەرجەیلیگ وەرجەیە رازی لەلییان نەویە لەناو هەر دانوسەنینیگ لە بانان، وتیش: وتارەیل وەرپرسەیل ئەمریکا لەبان ئیران جویراجویرن، کە نشان شیواشیویگ لە دروسکردن بڕیار لە واشینتۆن دەێد.
بەقائی وتیش: بەرنامەی ئەتۆمی ئیرانی ئاشتیانەس و وەگەرد یاسایەیل ناودەوڵەتی گونجیاس، دیاری کرد کە کەناڵەیل پەیوەندیکردن وەرد ئەمریکا هیمان دیارن، لەلییان کەناڵ سویسری کە خاوەندارێتی بەرژەوەنیەیل ئەمریکا کەێد.
وتیش: سیاسەت ئیران وەرانەور واشینتۆن لە بانان پشت وەو بڕیارەیلە بەست کە لایەنەیل پەیوەندیدار لە وڵاتەگە دەن، دیاری کرد کە ئیران واژە ئەرا گفتوگۆکردن وەرد دەوڵەتەیل ئەوروپا.
بەقائی دووپاتیش کرد کە هەر دانوسەنینیگ بایەسە پشت وە پابەندبوین راسگانی لەلایەن ئەوروپا وە بنەمایل دانوسەنین بوەسێد، وتیش: تاران وەرد مەرجەیلیگ رەفتار نیەکەێد کە وەرجەیە وەپییان رازی نەویە.