شەفەق نیوز/ ناسر کەنعانی قسەکەر وەناو وەزارەت دەرەوەی ئیران وت: دەسوەردان دەوڵەتەیل خوەرئاوا و هەڵویستەیل ناوەرپرسیان هیشت ناڕەزاییەیل لەلایەن ئاژاوەنەرەیل وەکاربارن، وتیش: دەسوەردان خوەرئاواە کاروبار ناوخوەی و ریکارەیل ناگوجیاگ لەلایەن ئی دەوڵەتەیلە رەت کەیمن.

لە کۆنگرەی هەفتانەی کەنعانی دەربارەی قسەیل ئەنالیا بیربوک خانمە وەزیر دەرەوەی ئەڵمانی ک دویەکە یەکشەممە وت: ئەڵمانیا و دەوڵەتەیل ئەوروپا نووڕنە داناین سوپای پاسدران لەناو لیست تیرۆر،  ک کەنعانی لەی قسەیلە هاتە دەنگ و وت: هان ئەڵمانیا دەیمن بەرژەوەنی ناوبەین تەهران و پەرلەین وەخاتر سیاسەتەیل کوڵیگ لەدەس نەیەێد.

کەنعانی وتیش: هەر گامیگ لەلایەن ئەڵمانیا ئەرا داناین سوپای پاسدران لە لیست تیرۆر یاسایی و گونجیاگ نییە.