شەفەق نیوز/ زارا سدیقی هەمەدانی، ك وە ''سارا'' ناسریاگە، و تەمەن 31 ساڵه و خەڵک شاری نەغەدەیه له خوەرهەڵات كوردستان، یەکیگ بویە له چالاکوانەیل كۆمه‌ڵه‌ی (پەلکەزێڕینە)، ئمڕوو یه‌كشه‌ممه، رێكخراوه‌یل ماف مرۆڤ، بڵاو کردنە ک وە توومەت "فساد فی الارض" هاوڕەگەزخوازیی و پەرەپیدانەی وە ئایین مەسیحیی لەلایەن دادگای شۆڕش ئیسلامی ئیران له ئورمیە سزای سێدارەدان لەبانی دەرچگ.
زارا سدیقی، وەرجەیە له هه‌رێم كوردستان نیشتەجی بویە و دویای ئه‌وه ئەرا ئیران گلەو خواردیە، پارەکە له رووژ چوارشه‌ممه 27ی ئۆکتۆبەر 2021، لە مەوقەی چگنی وەرەو تورکیا، لەلایەن هێزەیل ئیتلاعات سوپای پاسدران ئیران، لە سنوور ناوبەین ئیران و تورکیا دەسگیرکریا.