شەفەق نیوز/  شاند دانوستانکار ئیرانی لە گفتوگویەیل ڤیەننا، ئمڕوو جومعە، ڕاگەیان دانوستانەیلیان وەگەرد شاند ئەوروپی، وەگەرد وڵاتەیل یەکگرتگ وساننە. 

محەمەد مەرەندی ئەندام شاند دانوستانەگەی ئیران وت، " ئەمریکیەگان لەناکاو ڕەفتار و ئاراستەیل خوەیان لە گفتوگویەیل ڤیەننا ئاڵشتکردنە، ئرینگە دانوستاگە وسیایە".  مەرندی وتیش،  " پەستان ناوخوەیی ڕکابەرەیل سەرۆک ئەمریکا جۆ بایدن، لایەنگرەیل ئسرائیل گامەیل وەرەونواچگن وساننە ک لە ورین وەخوەیەو دی، وەتایبەت لە کۆتا گفتوگویەیل". 

لە خول وەرین گفتوگویەیل زینگکردن رێککەفتن ئەتۆمیەگە لە ڤیەننا ئەنجام دریا، وە لە ئەی خولە گفتوگویەیلە ئیران دو ڕەشنۊس پیشکەشیان کرد ک وڵاتەیل خوەرئاوا وە زیادەچگن و پەسەن نەکریاگ وەسفی کردن.