شەفەق نیوز/ وەزیر پیشەسازی و بەرهەم و بازرگانی ئیرانی رەزا فاتمی ئەمین راگەیان، بڕ هەناردەیل کاڵا و شتومەک وڵاتەگەی ئەرا عراق وە رێژەی 23 لە سەد بەرزەو بویە لەماوەی دە مانگ یەکەم لە ساڵ ئیرانی ک لە 21 مارس2022 دەسوەپی کردیە.
فاتمی ئەمین لە چەووەپیکەفتنیگ تلفزیونی راگەیان، هەناردەکردن ئیران تا ئیسە 50 ملیار دۆلار رەدکردیە.
ئاشکەرایکرد بارودۆخ بازرگانی وڵاتەگەی وەگەرد وڵاتەیل هاوسا لە ماوەی دە مانگ یەکەم ئمساڵ هەناردەیلی زیایکردیە عراق وە رێژەی 23٪ ، تورکیا وە رێژەی 46٪ ، شانشین عومان 63٪ ، روسیا وە رێژەی 23٪ ، وڵاتەیل ئەفریقی زیاتر لە 20٪ .
وتیش، هەناردەکردن ئەرامان گرنگە لەوەر چەن هووکاریگ، ئەرک یەکەم هەناردەکردن دابینکردن پویل ئەرا پێداویستیەیل هاوردەی وڵات کریەێد و ئەرکە کۆتایەگەی وە دەسهاوردن دەسڵات ناودەوڵەتیە.