شەفەق نیوز- تاران

سەرکردەی دەسەی مینەکردن لەباوەت دیارنەماگەیل لە دەسەی ئەرکان گشتی ئەرا هیزە چەکدارەیل ئیرانی، محمد باقر زادە، ئمڕوو شەممە، ئاشکرا کرد، کە فڕۆکەوانەیل ئیرانی دەسگیرکریاگ لە قەتەر، لە رەوشیگ تەندروسی گەنن.

 ئاژانس تەسنیم ئیرانی، لە زوان باقر زادەو وت کە داوا لە قەتەر کردیە، فڕۆکەوانە ئیرانییە دەسگیرکریاگەیل وەرەو خەسەخانەیگ لەبان هشکانی کل بکەێد، و وت "ئەوان لەناو ئاو دەسگیر کریانە و لە رەوشیگ لەشی گەنن".

هەمیش وت "ئەو شوینە کە فڕۆکەوانەیل لەناوی دەسگیر کریانە گونجیاگ نییە"، و داوا لە دەسەی ناودەوڵەتی خاچ سوور کرد وە "کلکردن فرۆکەیگ فریاگوزاری وەرەو قەتەر ئەرا پەلەکردن لە گلەوداین دەسگیرکریای زەخمدار و نەخوەشەیل ئەرا ئیران".

 دەسەڵاتەیل ئیرانی، وەرجەیە دووپات کردۊن کە دەسەڵاتەیل قەتەری 3 فڕۆکەوان ئیرانی لە ئازار/مارس گوزەشتە مەوقەی جەنگ ئەمریکی لەبان ئیران دەسگیر کردنە، ئەوەگ وەزارەت دەیشتەکی قەتەری وت لەلامان نیین.