شەفەق نيوز- تەهران

قسەکەر وە ناو سوپای پاسداران ئیران، عەمید حسین محەبی، ئمڕوو سێشەممە راگەیان  هێزەیل دەریایی سەروە سوپای پاسداران دەس وە بان ژیردەریاییگ ئەمریکی گردنە، وە دیاریکر  کە تەکنەلۆژیای پێشکەفتگیگ لەناوی هەس کە چوودە ژێر ئەندازیاری پێچەوانە.

محەبی لە گفتوگویگ رووژنامەوانی کە ئاژانس "فارس" ئیرانی بڵاوی کردیە، وت:  "تەکنەلۆژیای پێشکەفتگیگ لە ناو ئەی ژێردەریاییە هەس کە کەفتیەسە ناو تووڕ سوپای پاسداران، و ئەندازیاری پێچەوانە ئەرای دەس وەپیکریەێد".

قسەکەرەگە باس لە کارکرد هێزەیل چەکدار ئیرانی کرد لە رویوەرویبوین کەلوپەلەیل سەربەخۆی ئەمریکا پێشکەفتگ،  وت: "ئەی جەنگە نیشان دا کە بەرزترین تەکنەلۆژیایەیل ئەمریکی کە لە پیشەسازی سەربازی و وەرگری وەکار تیەد کەفتیەسە ژیر دەسەڵات ئیران".

 وتیش: "لە نموونەیل ئاشکرا لەبان ئەیە، فڕۆکەی جەنگی F-35ە، کە باوڕوەپینەکریاترترین تەکنەلۆژیا لە بەش تویکڵ و توانایی و شارنەوە لە رادار و بەرزترین بەرزایی فڕین و توانای هەڵگردن تەقەمەنی دێرێد"، دیاریکرد   "ئەی فڕۆکە جەنگییە  سوود لە نووترین تەکنەلۆژیای فڕۆکەیل جەنگی ئەمریکی گِرێد، وەلایەن وەرگری ئاسمانی هێز ئاسمانی-ئاسۆیی سەروە سوپای پاسداران ئیسلامی کریاسە ئامانج".

محەبی راگەیان وە خاوەنداری ئیران ئەرای جویرەیل جیاجیا لە فڕۆکە و ژیردەریایی و بەلەمەیل بێفڕۆکەوان کرد و وت: "ئمڕوو ئیمە کۆمەڵەیگ لە فڕۆکەیل جیاجیای جەنگی و پشتیوانی و گواستنەوە و سیخوڕی دێریمن".