شەفەق نیوز/  ـ تەهران

شەوەکی ئمڕوو شەممە، ئیران لە مەراسیمیگ فەرمی پرسەی  56 سەرکردەی سەربازی و زانایەیل ئەتۆمی کە لە ماوەی  گورزەیلی  12 رووژەی ئیسرائیل کوشیابوین کرد، وەپای دەزگا راگەیاننەیل فەرمی.

بێژەر تەلەفزیۆنیگ فەرمی راگەیان مەراسیمەگە وە  "ڕێزگرتن لە شەهیدەیل" دەسوەپیکرد ، هاوکات  گرتە ڤیدیۆییەیلیگ  تەهران  کە مەردم فرەیگ ئاڵای ئێران و وینەی فەرماندە سەربازەیل کوشیاگ لە وەخت جەنگەگە بەرزەوکردنە پەخشکریا.

 مەراسیمەگە لە نوای دەر زانکۆی تەهرانەو وەرەو مەیدان ئازادی بوی، و سووپای پاسداران دووپاتکرد مەراسیمەگە "وەکۆمەڵبویە وە بەشداری فراوانیگ میلەت ئیران".

لە مەراسیمەگە سەرۆک دەسڵات دادوەری ئیران و فەرماندەی فەیلەق قودس ئیسماعیل قائانی و سەرۆک مەسعود پزیشکیان بەشداربوی.

سوپای ئیران دویکە جومعە راگەیان لەماوەی جەنگ وەرد ئیسرائیل 56 ئەندامی کوشیانە، وەپای ئاژانس "میهر" خەوەری، لەهەمان وەخت دەسەی رادیۆ و راگەیانن ئیران رووژ شەممە پرسەی نیشتیمانیە.

راگەیان ئیسرائیل لە 13 حوزەیران دەسکردە پەلامارداین بویە مدوو کوشیان شمارەی گەپیگ لە سەرکردەیل گەورەی سەربازی و زانا و مەدەایەیل، وەرجە ئەوەگ وڵاتە یەکگرتگەیل لە 22 حوزەیران گورز وەبان دامەزراوەیل ئەتۆمی فۆردۆ و نەتەز و ئەسفەهان بوەشنێد.

لەماوەی جەنگە 12 رووژەگە ئیسرائیل زیاتر لە 20 وەرپرس سەربازی پلە  بەرز کوشت بڕیگیان هەر لەناو ماڵەگەی خوەیان.