شەفەق نیوز/ ئەحمەد وەحیدی وەزیر ناوخوەیی ئیران، ئمڕوو چوارشەممە، دووپات کرد ک ئەوەگ وە حیجاب بابەند نیەوود، خزمەتگوزاری گشتی وەدەسی نیەکەفێد.
محمد ساڵح جزکار سەرۆک دەسەی ئەنجومەنەیل پەرلەمان ئیران وت: لە گردەوبیون وەزیر وەگەرد ئەندامەیل دەسەگە، دووپات کرد ک ئەوەگ لەچک سەری لە شوینەیل گشتی بکەنێد، یەکەم جار هوشداری و پەیامیگ ئەرای رەسێد.
وتیش؛ دویای ئی هوشداریە، و ئەگەر رکدار بوین لە شوینەیل گشتی حیجاب بکەنن، خزمەتگوزاری لە دامودەزگایل حکومەتی وەپیان پیشکەش نیەکریەێد.
جزکار وتیش: دویای ئەوە کاریان کەفێدە دادگا، و ئەو شوینەیلە ک پابەندی وە حیجاب و داوانپاکی نیەکەن وە مووم سوور بەسیەن.