شەفەق نيوز- تەهران

ئاژانس ميزان سەروە دەسەڵات دادوەری لە ئيران، ئمڕوو یەکشەممە، جیوەجیکردن فەرمان وەسێدارەدان لەبان دوو ئەندام لە ئۆپۆزسیۆن موجاهدی خەلق راگەیان، وە توومەت وەئامانجگردن ژیرخانیگ.

 ميزان، لە خەوەریگ کە ئاژانس رۆیتەرز بڵاوی کرد وت: مەهدی حەسەنی وبەهروز ئیحسانی-

ئیسلاملو، ئەو دوو ئەندام چالاک لە موجاهدی خەلق وە بڕیاریگ کە دادگای باڵا پشتگیریی کرد فەرمان وەسێدارەدان لەبانیان دەرچگ.

لەو راپۆرتە هات کە ئەو دوو ئەندامە وەگەرد سەرکردەیل موجاهدی خەلق، ماڵیگ ئەرا تیمیگ لە تەهران دروس کردنە، کە گولە و گولەیل مورتەر دروس کردنە کە وە دەس هەڵگریەێد، کە وەگەرد ئامانجەیل ئەو لایەنە گونجێد، و گولە ئەرا هاوڵاتی و ماڵەیل و شوینەیل خزمەتگوزاری و ئیداری و بنکەیل هوکارەکردن و خێرخوازی وەشاننە، و کارەیل پرۆپاگەندە و گردەوکردن زانیاری جیوەجی کردیان ئەرا موجاهدی خەلق.

   توومەت جەنگ و ویرانکردن داراییەیل گشتی و لایەنگری ریخریاییگ تیرۆری ئەرا شیوانن ئاسایش نیشتمانی وەپیانەو کرد.

ئاژانس خەوەری مهر نیمچە فەرمی وت: ئیحسانی - ئیسلاملو لە ساڵ 2022 لە شوین تەقیانیگ لە وەزارەت پەیوەندی و تەکنەلۆژیای زانیاری دەسگیر کریا، کە ریخریاگ موجاهدی خەلق وەرپرسایەتی خوەی لەلی راگەیان.

موجاهدی خەلق گرووپیگ ئیسلامی چەپە، کارەیل تەقینەوە وەبان حکومەت شاه و ئامانجەیل ئەمریکی لە هەفتایەیل جیوەجی کردن، وەلێ لە کۆتایی وەگەرد ئەو باڵەیل لایەنگر شووڕش ئیسلامی لە ساڵ 1997 ترەک کەفتنە ناکۆکی.

لەو وەختەو، موجاهدی خەلق بویە ئۆپۆزسیۆن کۆمار ئیسلامی و سەرکردایەتیی لە پاریس جیگیرە، و ئەمریکا و یەکێتی ئەوروپا تا ساڵ 2012 وە ریخریاییگ تیرۆری دانەی قەڵەم.