وەزارەتەگە لە بەیاننامەیگ وت: پیلانیگ وەحشیانە پویچەڵ کردیمن ئەرا جیوەجیکردن ٣٠ تەقینەوەی تیرۆری هاووەخت لە خاڵەیلیگ جیاجیا و قەرەباڵغ لە تەهران پایتەخت، و گشت ئەوانەگ دەسیان هاناو ئی پیلان تیرۆریە دەسگیر کردیمن.
وتیش؛ ئەو تەقینەوەیل تیرۆریە پیلانەگەی شکانن سام ئاسایش بویە، و پیشکەشکردن شەوەیگ شیواشیو لە ئارامی وڵاتەگە.
وتیش؛ هیزەیل ئاسایش ئیرانی، چگنە ناو چەن بارەگایگ ئەڕا تیرۆرستەیل لە پارێزگایل تەهران و بەرز و ئازەربایجان خوەرئاوایی، و ٢٨ لەلیان گرد.
وەگورەی وەزارەتەگە، ئەو کەسەیلە ک دەسیان لەناو پیلانەگە بویە، لایەنگر داعشن، و بەشیگیان میژوو لە لایەنگری گرووپەیل تەکفیری لە سوریا و ئەفغانستان و پاکستان و هەرێم کوردستان عراق دیرن.
بەیانامەگە دووپات کرد کە شیوەی پیلانەگە و رەفتار تیرۆرستەیل لە شیوەی ئاسایی قویلتر بوی، و هەکاتی رەفتار سەهیۆنیەت بویە.
بەیانامەگە وتیشئ: مەوقەی جیوەجیکردن دەسگیرکردن تیرۆرستەیل لەناو ماڵیگ، تیرۆرستەیل پیلان خوەیتەقانن داشتنە، باوجی هیزەیل ئاسایش نەیشتن کاریان جیوەجی بکەن، کە بویە هوکار زەخمداری دوو ئەندام لە هیزەیل ئاسایش ئیرانی.