شەفەق نیوز/ وەزارەت پەیوەندی و تەکنەلۆژیای زانیاریەیل ئیران، ئمڕوو چوارشەممە، بڕین ئەنتەرنێت لە گشت کۆمپانیایل راگەیان.

ئاژانس خەوەری "ئاخەرین خەبەر" ئیرانی وت: لە شەوەکی ئمڕوو وەزارەتەگە ئەنتەرنێت لە مۆبایلەیل لە گشت ئەو پارێزگایلە لە ئیران بڕێد ک هیمان ناڕەزایی لەناویان هەس.

ئاژانسەگە لە زوان سەرچەوەیگ لە وەزارەت پەیوەندی ئیران وت: تووڕ ئەنتەرنێت وە مۆبایل لە کۆمپانیایل هەمراه ئۆل وئیرانسێل و شا و کۆمپانیایلیگتر بڕیا.

سەرچەوەگە وتیش: ۆی بڕیانە دویای داوایگ لەلایەن عەمید ئەحمەدی وەحیدی وەزیر ناوخۆ هات.

هەرلیوا، ڕاپۆرتەیلیگ رووژنامەوانی وتن: لەوەر بڕیان توور ئەنتەرنێت، ٣٠٠ هەزار بازاڕ ئەلیکترۆنی لە وڵاتەگە زەرەدمەن بوینە.