شەفەق نیوزــ تەهران

قسەکەر حکومەت ئیران فاتمە موهاجرانی، ئمڕوو سێشەممە، ئاشکرای ئامار نوویگ زەردەیل ژیران ئابووری و شمارەی کوشیاگەیل جەنگ کتایی وەرد ئیسرائیل کرد کە ماوەی 12 رووژ وەردەوام بوی.

موهاجرانی لە بەیاننامەیگ رەسیە ئاژانس شەفەق نیوز وت، " وڵاتەگەی 1062 کوشیاگ لە جەنگەگە دایە لەناویان  102 ژنە و38 مناڵ و34 خوەنەوار و5 ماموسا و5 پەرەستار و7 لە قورتارکەرەیل".

دیاریکرد، 8000 یەکەی نیشتەجیبوین زەرد دیە، و36 مەکتەو لە  16 پارێزگا، وەرد 219 یەکەی پیشەسازی و7 خەستەخانە و11 ماشین فریاکەفتن.

ئیسرائیل لە 13 حوزەیران 2025 دەسکردە پەلامارداین لەریەو دامەزراوەیل ئەتۆمی و سەربازی ئیران گردە ئامانج لە ئەنجام سەرکردەیل دیاریگ کوشیان، لە هەمان وەخت ئیران وە گورزەیل مووشەکی شوینەیلیگ لە زەوی ئیسرائیل کردە ئامانج.