شەفەق نیوز/ سوپای ئۆکرانیا، ئمڕوو یەکشەممە، رایگەیان، دوو کەشتی نیشتنەوەی گەورەی رووسیا و ناوەندیگ پەیوەندی و ژیرخان ترەک کردیەسە ئامانج کە لەلایەن بەلەمەیل رووسیا لە دەریای سیا وەکار تیەرێد لە پەلامارەیل دویەشەو وەبان نیمچە دوورگەی کریمە، کە رووسیا دەس ناسە بانی.
لە بەیاننامەگەی سوپا ئاماژە وە چۆنیەتی جیوەجیکردن پەلامارەگە نەکردگە، بەڵام پارێزگاریگ سیڤاستۆپۆلی کە لەلای ڕووسیا دانریاس، لە وەختیگ زەیتی رووژ یەکشەممە، راگەیانوێد، ئۆکرانیا پەلاماریگ گەورەی ئاسمانی دەسوەپی کرد و راگەیانیە سیستەم زەرگری ئاسمانی ێووسیا زیاتر لە 10 مووشەک وەبان بەندەرەیل خستیەسە خوارەو لە نیمچە دوورگەی کریمە.
سوپای ئۆکرانیا وتیش: هیزەیل وەرگری ئۆکرانیا سەرکەفتگ بوین لە لیدان دوو کەشتی گەورەی نیشتنەوەی ئازۆڤ و یامال، کە ناوەندیگ پەیوەندییە و چەن دامەزراوەی ژیرخانی بەلەم دەریای سیای ڕووسیا، لە نیمچە دوورگەی کریمە کە وە شیوەیگ وەختانە داگیرکریاس”.