شەفەق نیوز - واشنتۆن

ریخریاگ "هەرانا"ی ئیرانی ئەرا مافەیل مرۆڤ، ئمڕوو سێشەممە، خەوەردا  کە توومار دەسگیرکردن لەلای کەمەو 4023 کەس و لەسێدارەدان 50 کەس ترەک لە ئیران کردگە لە وەختیگەو پەلامارەیل ئەمریکی و ئیسرائیلی لە 28 شوبات / فێبرایەر گوزەشتە دەسوەپی کردگە و تا هەفتەی گوزەشتە.

 راپۆرتیگ ئەرا ریخریایەگە - کە بارەگاگەی لە ویلایەتە یەکگرتگەیلە - دیاری کرد کە دەسگیرکریاگەیل کەفتنە وەر توومەتەیلیگ لەناویان "سیخوڕی" و "هەڕەشەکردن لە ئاسایش نەتەوەیی"، بیجگە لە "پەیوەندیکردن وەگەرد میدیایەیل راگەیانن بیگانە یا کلکردن کەرەستەیلیگ پەیوەندیدار وە جەنگەگە".

 راپۆرتەگە، کە ناونیشان "لەناوەین مووشەک و سەرکوتکردن" هەڵگردۊد، هەمیش وت: دەسەڵاتەیل ئیرانی کەشوهەوای جەنگەگە وەکار هاوردن ئەرا توندکردن چیرووکویل ئەمنی و و پەیاکردن دەسپیچگ ئەرا دەسگیرکردنەیل و دیاریکردن سنوور ئەرا ئازادی قسەکردن و جیوەجیکردن تونوتیژی دژوە مەدەنییەیلە.

 راپۆرتەگە وتیش: رەوش بنکەیل دەسگیرکردن وە شیوەی تونیگ وەرەو خراوی چگە، وەگەرد فراوانکردن خاڵەیل وەشکین و تونکردن کوتوبەندەیل جویلە و چەسپانن دریژیگ ئەرا ئینتەرنێت، کە بویە هووکار داوەزین ئاست پەیوەندی لەناو وڵاتەگە ئەرا نزیکەی 1% لە ئاست سروشتی.

 راپۆرت ریخریایەگە ئاشکرا کرد کە لە ماوەی 28 شوبات / فێبرایەر 2026 تا 13 مایۆ / ئایار 2026، جیوەجیکردن 50 لەسێدارەدان، کە 32  لەناویان پەیوەندیدارە وە توومەتەیل سیاسی و ئەمنی توومار کریاس.

هەمیش وت: دەسەڵاتەیل ئیرانی کەشوهەوای جەنگەگە وەکار هاوردنە ئەرا تونکردن ریکارە ئەمنییەیل، و کوتوبەندکردن ئازادی قسەکردن، و زیایکردن پەستانەیل لەبان هاووڵاتییەیل، وە باس بەدەوبوین رەوش بنکەیل دەسگیرکردن کرد وەگەرد فراوانبوین هەڵمەتەیل دەسگیرکردن.

 وەپای راپۆرتەگە، حکومەت خاڵەیل وەشکین خەسەو کرد و کوتوبەندەیل تونیگ لەبان هامشوو چەسپان، بیجگە لە جیوەجیکردن بڕین فراوانیگ ئەرا ئینتەرنێت کە لە بڕیگ لە ماوەیل بویە هووکار داوەزین ئاست پەیوەندییەیل لەناو وڵاتەگە ئەرا نزیکەی تەنیا 1%  لە رەوش سروشتی.