شەفەق نیوز/ دەسەڵاتدارەیل ئیران ٣٥ ئەکاونت لە ئەپڵیکەیشن “ئینستاگرام” لە پارێزگای ئەسفەهان بلۆک کرد، چوینکە “ شیواز ژیان خوەرئاوایی و چشتەیل بەد بڵاو کەن”.
مستەفا مورتەزەوی، وەرپرس پولیس ئەلیکترۆنی لە ئەسفەهان وت: “ئی ئەکاونتەیلە لە ئینستاگرام خوازن گەنحەیل وە بڵاوکردن و بارکردنی وینەی قیزەون و ریکلام وە چشتەیل بەد گەنجەیل لەڕی دەرکەن”.
مۆرتەزەوی وتیش: "خاوەن ئی پەیجەیلە رەوانەی دادگا کریانە، و گشت چالاکییەیل ئەو کەسەیلە کە نۆرمەیل کۆمەڵایەتی لە فەزای ئەلیکترۆنی شکنن کەفتنەسە ژیر کۆنترۆڵ پولیس".
ئەو وەرپرس ئیرانیە دووپات کرد که "ئەوانەگ تەقەلای بڵاوکردن وینەی ناشیرین و نائاسایی دەن وەگورەی یاسا رەفتار وەردیان کریەێد".
مانگ ئایار ساڵ گوزەشتە، ژەنەڕاڵ وەحید مەجید، سەرۆک پولیس ئەلیکترۆنی ئیران، جیوەجیکردن پلانیگ "ئەرا ڕەفتارکردن وەرد تاوانە ئەخلاقییەیل کە وەگەرد کاروبار ئیسلامی، کۆمەڵایەتی و کولتووری لە فەزای ئەلیکترۆنی نەپووڕیاس" راگەیان.