شەفەق نیوز - وەدویاچگن

نرخ تەڵا، ئمڕوو چوارشەممە، ئەرا چوارەمین دانیشتن لە دوویای یەک داوەزیا، وەگەرد بەرزەوبوین نرخ نەفت و نووبوین رخەیل دەربارەی هەڵاوسان، لە وەختیگ بازاڕەیل چەوەڕێ کووبوینەوەی ئەنجومەن یەدەگ فیدڕاڵی ئەمەریکی کەن لە هەفتەی ئایندە ئەرا زانین ئاڕاستەیل نرخ سوود.

تەڵا لە مەمەڵەی دەسوەجی وە رێژەی 0.2% داوەزیا ئەرا 4118.18 دۆلار ئەرا ئۆنسەیگ، لە وەختیگ گرێبەستەیل نواوەختەی تەڵای ئەمەریکی  کانون یەکەم (دیسمبر) وە رێژەی 0.2% داوەزیا ئەرا 4136.20 دۆلار ئەرا ئۆنسەیگ.

داوەزیان تەڵاگە  وەگەرد بەرزەوبوین نرخ نەفت هات وە مدوو رخەیل دەربارەی دابینکردن لە خوەرهەڵات ناوڕاس و رخداریەیل کەشتیڕانی لە دەریای سوور، و ئەوەیش هاتێ فیشارەیل هەڵاوسان زیاتر بکەێد و مەزەنەیل وەردەوامی سیاسەت پویلی تونترەو  بکەێد.

بازاڕەیل چەوەڕێ کووبوینەوەی یەدەگ فیدڕاڵی کەن کە بڕیارە لە رووژەیل 27 و 28 تشرین یەکەم (ئۆکتۆبەر) وەڕێوە بچوود، بیجگە لە داتای خەرجکردن وەکاربەر بەشخوەیی لە ویلایەتە یەکگرتگەیل، کە پەیمانەی پەسەنکریایە لای بانک ناوەندی ئەرا پەیمانەکردن هەڵاوسان.

لەباوەت کانزا وە نرخەیل ترەک، تەڵا وە رێژەی 0.9% داوەزیا ئەرا 57.44 دۆلار ئەرا ئۆنسەیگ، و پلاتین وە رێژەی 0.6% داوەزیا ئەرا 1638.61 دۆلار، لە وەختیگ پالادیوم وە رێژەی 1.1% داوەزیا ئەرا 1090.84 دۆلار ئەرا ئۆنسەیگ.